*Blackmail No Go Work, Third Phase PAP Leaders Shout Say Dem Trust Chief Otuaro and Tompolo*

[Abigail pereowei]

Di leadership wey dey for di Third Phase of di Presidential Amnesty Programme (PAP), under their National Chairmo, General Elaye Slaboh, don tok say no amount of bad tok or lie-lie wey dem wan use spoil di name and better work wey Chief Dennis Otuaro, wey be di Sole Administrator of PAP, dey do go ever succeed.

Dem tok say dem still get full confidence for im leadership.

General Elaye Slaboh tok dis one while im dey tok to newsmen concerning one protest wey one man, Jude Gbabayor and im supporters do for Abuja recently.

Di protest dey against di way Chief Dennis Otuaro dey run things and against High Chief Government Oweizide Ekpemupolo, wey pipo sabi as Tompolo, and im company, Tantita Security Services Limited.

Di National Chairmo of di Third Phase PAP insist say Jude Gbabayor and im followers suppose follow di correct way to settle any trouble dem get with Chief Dennis Otuaro and Tompolo.

E warn say if dem no stop Gbabayor's careless action, e fit start bad-bad wahala for di region wey don quiet down now.

Another important person for PAP, Leader Ebi John, join voice, say PAP under Chief Dennis Otuaro and Tantita Security Services under High Chief Tompolo don change di game for di Niger Delta region. Im emphasize say anybody wey dey try to spoil dia good work na enemy of di whole region.

For im own side, di National Publicity Secretary of di Third Phase PAP, Inko Brightstar, wey pipo sabi as General Who-knows-tomorrow, criticize wetin Jude Gbabayor and im group dey do.

E warn di region make dem avoid di 'Pull Him Down' mentality, wey im describe as something wey dey bring shame and disgrace.

#fypシ゚viralシfypシ゚
#bayelsa
#PidginNews
#politics
#highlights
Our Matter


https://www.facebook.com/share/1MuutGVAe9/