*Ijaw Youth for Tinubu Hail Govnor Diri As E Take Cross Go APC, Promise to Help Tinubu for 2027*

[Abigail pereowei]

Di Ijaw Youths for Bola Ahmed Tinubu (IYBAT) dey use dia full chest congratulate His Excellency, Senator Douye Diri, wey be Govnor of Bayelsa State, bicos of hin recent bold step to cross carpet enter All Progressives Congress (APC).

For dia eye, na very strong and strategic move for di whole Ijaw Nation.

Inside one statement wey two big leaders sign, Amb. Ezonfade Daniel Okringo, wey be National Coordinator, and Comrade Okorobia, Gideon Azigbeotu, wey be Bayelsa State Coordinator, di group hail di change as something wey history go remember well.

Di youth group yarn say Govnor Diri political move na proof say hin get eye for future and hin true true want make Ijaw pipo get unity, peace, and progress.

Di organization come stress di main gain of di move, tell everybody say di decision go be like "bridge wey go connect Bayelsa State well well" with di Federal Goment, wey President Bola Ahmed Tinubu dey lead.

Di group tok say Govnor Diri's choice na sign of new hope and cooperation for Ijaw pipo, say e clear say dia leaders don ready to put pipo interest first before party or personal matter.

Di Ijaw Youths for Bola Ahmed Tinubu, while dem dey promise to support Governor Diri with dia full loyalty and work with am closely, dem yarn say dem go mobilize all di strong and sharp Ijaw youth for Niger Delta to make sure say President Tinubu win hin re-election well well for 2027.

Di youth body assure di Govnor say dem go stand gidigba with am, wey dem talk say, togeda, dem go build Ijaw Nation wey go strong, wey get money, and wey go dey united for inside a better Nigeria.

#bayelsa
#PidginNews
#politics
#highlights
#fyb #fypシ゚viralシfypシ゚
Our Matter


https://www.facebook.com/share/1ZvwJutjJn/